ბროკოლის სუპი ბრინჯითა და ტომატით

თუ  სამზარეულოში ექსპერიმენტები გიყვართ და მრავალფეროვნება გიზიდავთ, მოამზადეთ ბროკოლის სუპი ბრინჯითა და ტომატით! გემრიელი, არომატული და მსუბუქი კერძია. დამზადების დრო: 40 წთ. ულუფა: 4

ინგრედიენტები:

• პომიდვრის კონსერვი საკუთარ წვენში  500მლ;
• ბროკოლი  80-100გრ;
• სტაფილო  1ც;
• ხახვი  1თ;
• ბრინჯი  2ს/კ;
• ნიორი  1-2კბილი;
• მარილი, შავი დაფქული პილპილი  გემოვნებით;
• დაფქული ბაზილიკი  2 მწიკვი;
• ზეთი  1-2ს/კ;
• წყალი  2ჭ;

მომზადების წესი:

წვრილად დაჭრილი ხახვი და გახეხილი სტაფილო მოვშუშოთ ზეთში. დავამატოთ დანაყილი ნიორი და 1-2 წთ ვშუშოთ. დავაყაროთ გარეცხილი ბრინჯი, ავურიოთ, დავასხათ წყალი, მარილით და პილპილით შევანელოთ და 10-12 წთ ვადუღოთ. დავამატოთ ყვავილედებად დაშლილი ბროკოლი. ვხარშოთ 5-6 წთ. დავამატოთ დაჭრილი პომიდორი (კონსერვი), ბაზილიკი და 1-2 წთ ვადუღოთ. გემრიელად მიირთვით!