სტაფილოს მოტკბო გემო ძალიან უხდება შემწვარ დაბეგვილ ფილეს. სცადეთ დაბეგვილი ფილე სტაფილოს კლიარში და ისიამოვნეთ ოჯახის წევრებთან ერთად. დამზადების დრო: 40 წთ. ულუფა: 2-3.
ინგრედიენტები:
- ქათმის ფილე 300გრ;
- სტაფილო 1ც;
- კვერცხი 1ც;
- ფქვილი 2ს/კ;
- კამა 5გრ;
- ზეთი 30მლ;
- მარილი 0,5ჩ/კ;
- შავი დაფქული პილპილი გემოვნებით;
მომზადების წესი:
გავრეცხოთ ფილე, შევაშროთ და 5-7 მმ სისქის ნაჭრებად დავჭრათ, დავბეგვოთ თითოეული ნაჭერი, მოვაყაროთ მარილი და პილპილი. სტაფილო წვრილ სახეხზე გავხეხოთ. ჩავახალოთ კვერცხი და ავთქვიფოთ. დავამატოთ 1 ს/კ ფქვილი, კარგად ავურიოთ. დავუმატოთ წვრილად დაჭრილი კამა. ფილეს ნაჭრები ჯერ ფქვილში ამოვავლოთ, შემდეგ სტაფილოს კლიარში და შევწვათ ზეთში. გემრიელად მიირთვით!
კომენტარის დატოვება