ღვეზელი ვაშლის ხილფაფით

ღვეზელი ვაშლის ხილფაფით ძალიან არომატული, ნაზი, რბილი და გემრიელი გამოდის. ცხობისას კი ისეთი სურნელი დგება, გულგრილს რომ ვერავის დატოვებს! დამზადების დრო: 2 სთ. ულუფა: 15-20.

ინგრედიენტები:

  • ფქვილი  400-500გრ;
  • რძე  250მლ;
  • მშრალი საფუარი  2ჩ/კ;
  • შაქარი  4ს/კ (+1ჩ/კ ოპარაში);
  • კვერცხი  2ც;
  • კვერცხის გული  1ც;
  • კარაქი 50გრ;
  • ვაშლის ხილფაფა  გემოვნებით;

მომზადების წესი:

თბილ რძეში გავხსნათ შაქარი, საფუარი და 10-15 წთ დავაყოვნოთ. ღრმა ჯამსი ჩავახალოთ კვერცხი, დავამატოთ შაქარი,  ავთქვიფოთ. დავამატოთ ამოსული ოპარა, დამდნარი კარაქი, ავურიოთ და ნაწილ-ნაწილ ვამატოთ ფქვილი და ცომი მოვზილოთ. გადავაფაროთ, დავდგათ თბილ ადგილას 30 წთ, შემდეგ ჩავზილოთ და ისევ დავაყოვნოთ 30-40წთ. ცომი 15-20 ბურთულად გავყოთ, 10 წთ დავაყოვნოთ, შემდეგ თითოეული გავაბრტყელოთ, ჩავდოთ ვაშლის ხილფაფა და შევკრათ. დავაწყოთ ცხიმწასმულ საცხობ ფორმაში. წავუსვათ ათქვეფილი კვერცხის გული, შევდგათ ღუმელში 180 გრადუსზე 20-25 წთ. გემრიელად მიირთვით!

1 კომენტარები

კომენტარის დატოვება

ჩვენთვის ძალიან მნიშვნელოვანია თქვენი აზრის მო