შესანიშნავი წასახემსებელია. კარტოფილის ჩხირები ყველით და ბეკონით მარტივად მზადდება, კარგი იდეაა ვახშმისათვის. დამზადების დრო: 1 სთ. ულუფა: 4.
ინგრედიენტები:
- კარტოფილი 4ც;
- არაჟანი 1/2ჭ;
- მწვანე ხახვი 1/2კონა;
- ბეკონი 4ნაჭერი;
- ყველი 4ნაჭერი;
- მარილი 1ჩ/კ;
- შავი დაფქული პილპილი 1/2ჩ/კ;
- ზეთი 150მლ;
- კვერცხი 1ც;
- ფქვილი 4ს/კ;
მომზადების წესი:
კარტოფილი კუბიკებად დავჭრათ და მარილწყალში მოვხარშოთ. დავჭყლიტოთ და არაჟანი დავამატოთ. ბეკონი და მწვანე ხახვი წვრილად დავჭრათ და დავამატოთ. 1ს/კ კარტოფილიანი მასა ხელისგულზე ოდნავ გავაბრტყელოთ, შუაში ყველი დავდოთ, გადავახვიოთ, ამოვავლოთ ათქვეფილ კვერცხში, შემდეგ ფქვილში და ზეთში შევწვათ. გემრიელად მიირთვით!
კომენტარის დატოვება