კორეული სტაფილო ხორცით

კორეული სტაფილოს ცხარე გემო კარგად ეხამება შემწვარ ხორცს და საუცხოო კერძი გამოდის. კარგი იდეაა სადილზე ან ვახშამზე. დამზადების დრო: 25 წთ.

ინგრედიენტები:

ხორცი 200 გრ (ნებისმიერი სახეობის);
სტაფილო 500გრ;
ნიორი 1-2კბილი;
ზეთი 4ს/კ;
მარილი გემოვნებით;
სანელებლები სტაფილოსათვის გემოვნებით (იხ. რეცეპტი დედა.GE კორეული სტაფილო);
სეზამის მარცვლები გემოვნებით;

მომზადების წესი:

მოვამზადოთ სტაფილო კორეულად. გარეცხილი ხორცი პატარა ნაჭრებად დავჭრათ და 2ს/კ ზეთში შევბრაწოთ. დავამატოთ დარჩენილი ზეთი, გავაცხელოთ და ეს მასა დავამატოთ კორეულ სტაფილოს, ინტენსიურად ამოვურიოთ. კორეული სტაფილო ხორცით ცოტა ხანს დავაყოვნოთ, შემდეგ სეზამის მარცვლები დავამატოთ და გავიტანოთ სუფრაზე. გემრიელად მიირთვით!