მჟაუნას სუპი ყველით სწრაფად და მარტივად მზადდება, გემრიელია, მსუბუქია, სასიამოვნო არომატი დაჰკრავს. დამზადების დრო: 40 წთ. ულუფა: 4.
ინგრედიენტები:
- მჟაუნა 400გრ;
- ხახვი 1თ;
- მწვანე ხახვი 1კონა;
- ნიორი 2კბილი;
- კარტოფილი 2ც;
- კარაქი 25 გრ;
- არაჟანი 100გრ;
- ყველი 150გრ;
- მარილი, პილპილი გემოვნებით;
მომზადების წესი:
გავრეცხოთ მჟაუნა, მწვანე ხახვი, დავფერთხოთ. მჟაუნა ქაღალდის ხელსახოცით შევამშრალოთ. მოვამზადოთ კარტოფილი, ხახვი, ნიორი. კარტოფილი და ხახვი კუბიკებად დავჭრათ, ნიორი დავკეპოთ. ყველაფერი კარაქში მოვშუშოთ. დავამატოთ წყალი (1ლ), ავადუღოთ, დავუწიოთ ცეცხლს და 5 წთ ვადუღოთ. დავამატოთ მჟაუნა და კიდევ 5 წთ ვადუღოთ. შემდეგ ეს მასა დავაბლენდეროთ, სუპი ნაზი და ჰაეროვანი რომ გამოვიდეს, მასა საცერში გავატაროთ და წამოვადუღოთ. გავაცივოთ, დავამატოთ არაჟანი, მარილი, პილპილი და ამოვურიოთ. ყველი კუბიკებად დავჭრათ, მწვანე ხახვი – წვრილად და დავამატოთ კერძს. გემრიელად მიირთვით!
კომენტარის დატოვება