უგემრიელესი კერძი გამოდის. არომატულია. ფხალის ვარიანტადაც მოიაზრება. დამზადების დრო: 15 წთ.
ინგრედიენტები:
- მწვანე ლობიო 200გრ;
- ნიგოზი 50-70გრ;
- ნიორი 1-2კბილი;
- ზეთი 1ს/კ;
- ხმელი ქინძი, წითელი დაფქული პილპილი, მარილი გემოვნებით;
მომზადების წესი:
გავცხელოთ ტაფა, დავასხათ ზეთი, დავჭყლიტოთ ნიორი და სუნელებთან ერთად საშუალო ცეცხლზე ოდნავ შევათბოთ, ასე არომატი უფრო გაიხსნება. დავამატოთ მწვანე ლობიო და ვშუშოთ 3-5 წთ, თავდახურულ ტაფაში. ნიგოზი წვრილად დავკეპოთ და დავამატოთ ლობიოს. 1-2 წთ ვშუშოთ, მარილი დავაყაროთ, ამოვურიოთ და გადმოვდგათ. აი, ასეთი განსხვავებული ნიგვზიანი მწვანე ლობიო შემოგთავაზეთ. გემრიელად მიირთვით!
კომენტარის დატოვება