მდოგვი ქათამს არაჩვეულებრივ არომატს სძენს, უფრო გამოკვეთს ხორცის საგემოვნო თვისებებს და ვიზუალურად მიმზიდველს ხდის: კანი ოქროსფრად უბზინავს. დამზადების დრო: 3 სთ.
ინგრედიენტები:
- ქათამი 2კგ;
- თაფლი 2ს/კ;
- მდოგვი 4ს/კ;
- ზეთი 3ს/კ;
- მარილი 1,5ჩ/კ;
- პილპილი გემოვნებით;
მომზადების წესი:
გავრეცხოთ და შევაშროთ ქათამი. წავუსვათ 1ს/კ ზეთი, მარილი და პილპილი შიგნიდან და გარედან. დარჩენილი ზეთი, მდოგვი და თაფლი შევურიოთ, კარგად წავუსვათ მთლიან ქათამს და დავაყოვნოთ 2 სთ. ღუმელი 200გრადუსზე გავახუროთ, საცხობზე ფოლგა დავაფაროთ, დავდოთ ზედ ქათამი, შევდგათ ღუმელში 1 სთ. დროდადრო დავასხათ გამოყოფილი წვენი. მზა ქათამი 10 წთ შევახვიოთ ფოლგაში. ქათამი მდოგვში მზადაა დასაგემოვნებლად! გემრიელად მიირთვით! გაგვიზიარეთ კომენტარებში აზრი ამ რეცეპტის შესახებ.
კომენტარის დატოვება