ნოყიერი, არომატული და გემრიელი გამოდის. ქათმის კუჭები ბრინჯთან ერთად მარტივად მზადდება. ვახშმის კარგი იდეაა. დამზადების დრო: 1 სთ. ულუფა: 3-4.
ინგრედიენტები:
- ქათმის კუჭები 600გრ;
- ბრინჯი 250გრ;
- ტომატი 40გრ;
- წყალი 100მლ;
- ხახვი 1-2თ;
- ნიორი 5კბილი;
- კარაქი 2-4ს/კ;
- პილპილი მწიკვი;
- მარილი, ზეთი გემოვნებით;
- მომზადების წესი:
- მოვამზადოთ ინგრედიენტები. დავჭრათ კუჭები და დავდგათ მოსახარშად. როცა წყალი ადუღდება, დავამატოთ მარილი, პილპილი და 40 წთ ვხარშოთ. ზეთში მოვშუშოთ წვრილად დაჭრილი ხახვი, დავამატოთ ტომატი და წვრილად დაკეპილი ნიორი. ამოვურიოთ, 2-3 წთ ვშუშოთ. დავამატოთ მოხარშული კუჭები, მარილი და პილპილი დავამატოთ, დავასხათ წყალი, ამოვურიოთ და 40-50 წთ ვშუშოთ. კარაქში ოდნავ მოვხალოთ ბრინჯი. დავამატოთ კუჭების ნახარში, შევდგათ 180 გრადუსზე ღუმელში 30 წთ. გადმოვიღოთ და მოშუშული კუჭები დავამატოთ, ამოვურიოთ. გემრიელად მიირთვით!
კომენტარის დატოვება