ფაფუკი, არომატული და უგემრიელესი ფუნთუშებია. მოხარშული კრემით მზადდება. დამზადების დრო: 2 სთ.
ინგრედიენტები:
- რძე 500მლ( 250მლ ცომი, 250მლ კრემი);
- დაპრესილი საფუარი 20გრ;
- შაქარი 100გრ (60გრ ცომი, 40გრ კრემი);
- კარაქი 60გრ;
- მარილი 0,5ჩ/კ;
- ფქვილი 500გრ;
- კვერცხის გული 2ც;
- სიმინდის სახამებელი 2ს/კ;
- ვანილის შაქარი 5გრ;
- შოკოლადი 20 გრ;
მომზადების წესი:
რძე შევათბოთ 35- 36 გრადუსამდე, ჩავამატოთ საფუარი და 1ს/კ შაქარი. ავურიოთ, 10-15 წთ დავაყოვნოთ. გავადნოთ კარაქი, ოდნავ გავაცივოთ და საფუარიან მასას დავამატოთ. ჩავყაროთ მარილი და გაცრილი ფქვილი. მოვზილოთ რბილი ელასტიური ცომი და დავდგათ თბილ ადგილას, გადავაფაროთ. 1-1,5 სთ- ცომი ამოვა. მოვამზადოთ კრემი “პატისიერი”. ჯამში ჩავახალოთ კვერცხის გულები. დავამატოთ შაქარი და სიმინდის სახამებელი. დავასხათ 2-3ს/კ ცივი რძე. ცეცხლზე დავდგათ რძიანი ქვაბი, წამოვადუღოთ. დავამატოთ გულებიანი მასა. სულ ვურიოთ, როცა გასქელდება კრემი, გადმოვდგათ და გავაცივოთ. ცომი თხლად გავაბრტყელოთ. დავაყაროთ გახეხილი შოკოლადი. ზემოდან წავუსვათ კრემი, გადავახვიოთ რულეტისებურად. დავჭრათ 3-4 სმ-ის ნაჭრებად. დავაწყოთ პერგამენტდაფენილ საცხობზე, 20-25 წთ დავაყოვნოთ ოთახის ტემპერატურაზე. გამოვაცხოთ 175 გრადუსზე 35-40 წთ. ოდნავ როცა გაცივდება, შაქრის პუდრა მოვაყაროთ. გემრიელად მიირთვით!