არომატული, მიმზიდველი ფუნთუშებია. გაანებივრეთ ოჯახი დასვენების დღეს, უფრო ხალისიანი გახადეთ ერთად ყოფნა. დამზადების დრო: 3 სთ.
ინგრედიენტები:
- ფქვილი 500გრ;
- დაპრესილი საფუარი 20გრ;
- რძე 250მლ;
- შაქარი 4ს/კ;
- კვერცხი 2ც;
- ზეთი 60მლ;
- ვანილი გემოვნებით;
- მარილი 1მწიკვი;
- ნაღები 1ს/კ;
- ქიშმიში 200გრ;
მომზადების წესი:
შევათბოთ რძე, ჩავდოთ საფუარი, 2ს/კ შაქარი, 1ს/კ ფქვილი, გავხსნათ რძეში და დავდგათ თბილ ადგილას 20-25 წუთით. ქიშმიშს დავასხათ მდუღარე, გადავწუროთ და ქაღალდის ხელსახოცზე დავაწყოთ შესაშრობად. გავცრათ ფქვილი. ოპარაში ჩავახალოთ კვერცხი, 2ს/კ შაქარი, ვანილი, ზეთი და მოვურიოთ. დავამატოთ ფქვილი და ცომი მოვზილოთ. დავაფაროთ და დავდგათ თბილ ადგილას 40-60 წუთით. ამოსული ცომი ერთხელ ჩავზილოთ და დაველოდოთ კიდევ მის ამოსვლას. შემდეგ გავყოთ ორ ნაწილად. თითო კიდევ სამ ნაწილად. ძეხვის ფორმა მივცეთ ცომს, შუაში ჩავდოთ ქიშმიში, კიდეები
შევკრათ. გამოგვივიდა 2 ნაწნავი, დავაყოვნოთ 20 წუთი. ნაღები და კვერცხის გული შევურიოთ ერთმანეთს და გადავუსვათ ფუნთუშებს. დავაწყოთ საცხობ ფორმაში და შევდგათ ღუმელში 180 გრადუსზე 20-25 წუთი. გადმოვიღოთ და 20 წუთით გადავაფაროთ ჩაის ტილო. გემრიელად მიირთვით!