ტაფაში შემწვარი ღვეზელები ხილფაფით

მარტივი, სწრაფი და გემრიელი დესერტია. საუზმეზე, ვახშამზე, წასახემსებლად მშვენიერი ვარიანტია. დამზადების დრო: 1 სთ. ულუფა: 4.

ინგრედიენტები:

ცომი:
კვერცხი 1ც;
ფქვილი 250გრ;
რძე 250მლ;
საფუარი 11გრ;
მარილი მწიკვი;
შაქარი გემოვნებით;
ზეთი 2ს/კ;
ვაშლის ხილფაფა 500გრ;

მომზადების წესი:
თბილ რძეში გავხსნათ საფუარი, შაქარი და თბილ ადგილას დავაყოვნოთ 10-15 წთ. ღრმა ჯამში ავთქვიფოთ კვერცხი შაქართან ერთად, დავამატოთ მარილი, ამოსული საფუარიანი მასა, დავაყაროთ ფქვილი და ცომი მოვზილოთ. გადავაფაროთ და თბილ ადგილას დავაყოვნოთ 45 წთ. შემდეგ გავაბრტყელოთ, ამოვჭრათ მრგვალი ფორმები, თითოეულში 1,5 ჩ/კ ვაშლის ხილფაფა ჩავდოთ და ცომი შევკრათ. ტაფაში გავაცხელოთ ზეთი და შევწვათ ღვეზელები, ორივე მხრიდან. ტაფაში შემწვარი ღვეზელები ხილფაფით მზადაა! გემრიელად მიირთვით!