ტარტალეტკები კალმახით

ტარტალეტკები კალმახით ყველაზე პრეტენზიულ გურმანსაც კი მოხიბლავს. დახვეწილი გემოს წასახემსებელია, სცადეთ! დამზადების დრო: 2 სთ. ულუფა: 3-4.

ინგრედიენტები:

  • კარაქი  75გრ;
  • ფქვილი  150გრ;
  • კვერცხი  1ც;
  • ნაღების ყველი  50გრ;
  • პროვანსული სუნელები  1ჩ/კ;
  • ნაკლებმარილიანი, გამოყვანილი კალმახი  1ც;

მომზადების წესი:

გავცრათ ფქვილი, დავამატოთ დაკეპილი კარაქი, კვერცხი ჩავახალოთ, მოვზილოთ ელასტიური ცომი. შევახვიოთ ცელოფანში და მაცივარში შევდგათ 1 სთ.  გავაბრტყელოთ, მრგვალი ფორმები ამოვჭრათ. ჩავდოთ კექსის ფორმებში. ძირი ჩავჩხვლიტოთ, ჯერ 15 წთ მაცივარში შევდგათ, შემდეგ გამოვაცოთ 180 გრადუსზე 15-20 წთ. ყველს დავამატოთ სუნელები, ავურიოთ. კალმახი პატარა ნაჭრებად დავჭრათ. როცა ტარტალეტკები გაცივდება, ჩავდოთ ყველი და ზემოდან თევზის ნაჭერი. გემრიელად მიირთვით!

დატოვე პირველი კომენტარი

კომენტარის დატოვება

ჩვენთვის ძალიან მნიშვნელოვანია თქვენი აზრის მო