ზღვის კომბოსტოს სალათი სოკოთი ორიგინალური და არომატული კერძია. სწრაფად და მარტივად მზადდება. დამზადების დრო: 35 წთ. ულუფა: 2.
ინგრედიენტები:
- ქამა სოკო 170გრ;
- ხახვი 40გრ;
- თეთრი ლობიოს კონსერვი 80გრ;
- ზღვის კომბოსტო 80გრ;
- ზეთი 40მლ;
- მაიონეზი 60-70გრ;
- მარილი, შავი დაფქული პილპილი გემოვნებით;
მომზადების წესი:
მოვამზადოთ ინგრედიენტები. სოკო თხელ ნაჭრებად დავჭრათ, ხახვი – ალყა-ალყა და ზეთში მოვხრაკოთ ორივე ერთად. გავაცივოთ. დავჭრათ ზღვის კომბოსტო, გადავიტანოთ სასალათეში, დავამატოთ სოკო, ლობიო, მარილი, პილპილი, მაიონეზი მოვასხათ და ამოვურიოთ. გემრიელად მიირთვით!
კომენტარის დატოვება