წვნიანის მიღება ყოველდღიურად აუცილებელია ჯანმრთელობისათვის. სწორედ ეს რეცეპტი დაგეხმარებათ ამ საქმეში. დამზადების დრო: 40 წთ.
ინგრედიენტები:
- ხახვი 1თ;
- ტკბილი წიწაკა 1ც;
- ნიორი 6კბილი;
- პომიდორი 6ც;
- სიმინდის კონსერვი 1ჩ/ჭ;
- მარილი გემოვნებით;
- შავი დაფქული პილპილი გემოვნებით;
- წვრილი მაკარონი 1ჩ/ჭ;
მომზადების წესი:
გავრეცხოთ და გავარჩიოთ ბოსტნეული, დავჭრათ მომცრო ნაჭრებად. ტაფაში ჩავასხათ ზეთი, მოვშუშოთ ხახვი, წიწაკა და ნიორი. დავამატოთ პომიდორი და დავასხათ 1 ჩ/ჭ წყალი, მოვშუშოთ დაბალ ცეცხლზე 20 წუთი. გადმოვდგათ და ბლენდერში გავთქვიფოთ სუპი. ისევ დავდგათ ცეცხლზე. როცა ადუღდება, ჩავყაროთ მაკარონი ჩავმატოთ სიმინდი და მაკარონის მოხარშვისთანავე გადმოვდგათ. მარილი და პილპილი მოვაყაროთ გემოვნებით. გემრიელად მიირთვით!