ოლადები კეფირითა და ქიშმიშით გამოდის ფუმფულა, ნაზი და უგემრიელესი. დამზადების დრო: 30 წთ. ულუფა: 3-4.
ინგრედიენტები:
- კეფირი 1ჭ;
- კვერცხი 1ც;
- ქიშმიში 100გრ;
- ფქვილი 1,5ჭ;
- შაქარი 2ს/კ;
- მარილი 2 მწიკვი;
- სოდა 1/3ჩ/კ;
- ზეთი 40მლ;
მომზადების წესი:
ჯამში ჩავასხათ კეფირი. დავამატოთ მარილი და შაქარი. ჩავახალოთ კვერცხი, დავამატოთ სოდა, ავურიოთ, დავამატოთ გაცრილი ფქვილი, ავთქვიფოთ. გარეცხილ ქიშმიშს დავასხათ მდუღარე წყალი და 15-20 წთ დავაყოვნოთ. შემდეგ გადავწუროთ და ცომში ჩავყაროთ. ცხელ ტაფაში ზეთი ჩავასხათ, თითო ს/კ ცომი დავასხათ და ოლადები გამოვაცხოთ. გემრიელად მიირთვით!
კომენტარის დატოვება