ყველასათვის ნაცნობი მეგრული ხარჩო ცოტა განსხვავებული ვარიანტით შემოგთავაზეთ. გამოდის ნოყიერი და გემრიელი. სადილის მშვენიერი ვარიანტია. დამზადების დრო: 1 სთ 20 წთ.
ინგრედიენტები:
- საქონლის მკერდის ხორცი 250გრ;
- სტაფილო 1ც;
- ხახვი 1ც;
- ნიორი 2-3კბილი;
- ნიგოზი 2ს/კ;
- პომიდორი 2ც;
- ბრინჯი 0,5ჭ;
- ტყემალი 2ს/კ;
- ქინძი 1კონა;
- ხმელი ქინძი, დაფქული წითელი პილპილი, ხმელი სუნელი გემოვნებით;
მომზადების წესი:
გავრეცხოთ, დავჭრათ ხორცი, დავასხათ წყალი და დავდგათ მოსახარშად. გარჩეული ნიგოზი და ნიორი დავაბლენდეროთ. დავაქუცმაცოთ გარეცხილი ქინძი. ხახვი და სტაფილო გავასუფთავოთ და დავჭრათ: ხახვი ნახევარრგოლებად, სტაფილო მეოთხედებად. პომიდორს მდუღარე გადავავლოთ, კანი მოვაცილოთ და დავჭრათ. ბულიონში ჩავყაროთ ხახვი, სტაფილო, პომიდორი. დავამატოთ ტყემალი და სუნელები. შემდეგ დავამატოთ გარეცხილი ბრინჯი. ვადუღოთ 10-15 წთ. ბოლოს მოვაყაროთ მწვანილი და ნიგვზიანი მასა. გემრიელად მიირთვით!