ქათმის ფრთები თაფლისა და ნივრის მარინადში განსაკუთრებულად არომატული და გემრიელი გამოდის. ბიუჯეტური კერძია. სადილის ან ვახშმის მისაღები ვარიანტია. დამზადების დრო: 2 სთ.
ინგრედიენტები:
- ქათმის ფრთები 1კგ;
- თაფლი 2ს/კ;
- ნიორი 3-4კბილი;
- მდოგვი 1ს/კ;
- სოიოს სოუსი 1ს/კ;
- შავი დაფქული პილპილი 0,5ჩ/კ;
- მარილი გემოვნებით;
მომზადების წესი:
მოვამზადოთ ინგრედიენტები. მარინადი: თაფლი, სოიოს სოუსი, მდოგვი, პილპილი, დაჭყლეტილი ნიორი და მარილი შევურიოთ. შევაზილოთ ეს მარინადი ფრთებს, მჭიდროდ გადავახვიოთ საკვების ცელოფანით და 1 სთ შევდგათ მაცივარში. საცხობ ფორმაში ჩავაფინოთ პერგამენტის ქაღალდი, ზეთი წავუსვათ, დავაწყოთ ქათმის ფრთები, მოვასხათ დარჩენილი მარინადი და შევდგათ 200 გრადუსზე 40 წთ. გემრიელად მიირთვით!
კომენტარის დატოვება