მსუბუქი, ვიტამინებით მდიდარი და უგემრიელესი კერძია. დამზადების დრო: 20 წთ.
ინგრედიენტები:
- სატაცური 450გრ;
- წყალი 1,5ჭ;
- მარილი, პილპილი გემოვნებით;
- კარაქი 1,5ს/კ;
- ფქვილი 1ს/კ;
- ყველი 200გრ;
- მწვანილი გემოვნებით;
მომზადების წესი:
გავრეცხოთ სატაცური, მაგარი ნაწილი მოვაჭრათ. ჩავდოთ მდუღარე წყალში და 2 წთ ვხარშოთ. საწურით ფრთხილად ამოვიღოთ. ტაფაში გავალღოთ კარაქი, დავამატოთ გაცრილი ფქვილი, მოვხალოთ, დავამატოთ ნახარში, 1/2ჭ, მარილი და პილპილი მოვაყაროთ და ავურიოთ. დავამატოთ გახეხილი ყველი, ამოვურიოთ და გადმოვდგათ სოუსი. სატაცური ჩავაწყოთ შესაწვავ ფორმაში, დავასხათ ყველის სოუსი და შევდგათ 200 გრადუსზე გახურებულ ღუმელში 6-8 წთ. სატაცური ყველის სოუსში მზადაა! გატანის წინ კიდევ მოვაყაროთ გახეხილი ყველი და წვრილად დაჭრილი მწვანილი (სურვილისამებრ). გემრიელად მიირთვით!
კომენტარის დატოვება